Daqiiqado ka hor abaara 10:40 daqiiqo ayaa dagaalo aad u culus waxaa ay dib uga qarxeen deegaano ka tirsan degmooyinka Yaaqshiid iyo Kaaraan ee magaalada Muqdisho kuwaasoo dhexmaraya ciidamada DF Somalia iyo xoogaga islaamiga ah ee ka soo horjeeda oo isku hor fadhiyey deegaanadaasi, iyadoo xaalada labada degmo oo horey looga barakacayna ay si aad ah u cakiran tahay sida wararku ay sheegayaan.
Dagaalkan ka soo cusboonaaday degmooyinka Yaaqshiid iyo Kaaraan ee magaalada Muqdisho ayaa daba socda dagaalo aad u qaraar oo gelinkii dambe ee shalay iyo xiliyadii ka soo horeeyeyba ku dhexmarayey labada dhinac deegaanadaasi, waxaana imimka la maqlayaa dhawaqa rasaasta iyo madaafiicda ay labada dhinac isku adeegsanayaan, waxaana goobaha lagu dagaalamayo ka mid ah Sanca jiiro wacbuudhan, xaafada Godey mariinada iyo deegaano kale oo aad badan.
Madfac ku dhacay daqiiqado ka hor guri ku yaala xaafada Jamhuuriya ee degmada Kaaraan ayaa waxaa ku dhintay illaa 3 ruux oo isku qoys ahaa sida ay sheegeen dadka fara ku tiriska ah ee deegaanadasi ku dhaqan ka dib markii madfac uu ku habsaday sidoo kale waxaa la sheegayaa in dab iyo uuro fara badan ay ka kacday goob warshad aheyd oo ku taala agagaarka Suuqa degmada Kaaraan ee magaalada Muqdisho ka dib markii uu ku dhacay madfac aad u weyn lamana oga illaa hadda qasaaraha rasmiga ah ee dagaaladan soconaya ay geysteen marka laga reebo 3-da ruux ee ku naf weysay xaafada Jamhuuriya.
Dagaaladii gelinkii dambe ee shalay ku dhexmaray degmooyinka Kaaraan, Yaaqshiid iyo Shibis oo dhamaantood ka tirsan dhinaca woqooyi ee magaalada Muqdisho, ciidamada Dowladda Somalia iyo xoogaga Islaamiga ah ee ka soo horjeeda ayaa waxaa ku dhintay ku dhowaad 20 ruux halka 50 kale ay ku dhaawacmeen kuwaasoo dhamantood rayid ahaa lana dhigay isbitaalada magaalada Muqdisho lamana oga qasaaraha ka soo gaaray labada dhinac ee dagaalamaya.
Read also- Xarrakatul Shabaabul Mujaahidiin oo Muqdisho ku gubtay raashin uu horay u bixiyay barnaamijka cunnada ee WFP
- Dowladda Hindiya oo sheegtay in maraakiib dagaal oo dheeri ah ay u soo direyso badweynta Hindiya si ay !
- Ururka Xisbul Islaam oo sheegay in ay maanta dib u fureen garoonka Diyaaradaha Cisileey iyo Dekadda
- Wasaaradda waxbarashada dowladda KMG ee Soomaaliya oo sheegtay in ay dib u fureyso!
- Qaramada Midoobay oo wada dadaalo ay doonayso in ay cunaqabatayn ugu rogto dowladda Wadanka Eritrea.
