Howlo ballaarin iyo dayactir isugu jira oo ka socday garoonka dayuuradaha Beledweyne (sawiro)0 comments

By admin
Posted on 30 Jan 2013 at 3:52pm

beledweyne1Saraakiil ka socotay ciidamada Jabuuti iyo qaar kamid ah mas’uuliyiinta gobolka Hiiraan ayaa waxa ay maanta soo booqdeen garoonka dayuuradaha ee magaalada Beledweyne.

beledweyne3Xiriiriyaha ciidamada nabad ilaalinta AMISOM iyo dowlada Federalka Samatar Ducaale Nugul oo ka mid ahaa madaxdii maanta booqatay garoonka dayuuradaha ayaa waxa uu sheegay in garoonka Beledweyne ee Ugaas Khaliif uu ahmiyad gaar ah u leeyahay ciidamada Jabuuti iyo shacabka Soomaaliyeed ee gobolka Hiiraan haatana uu yahay mid la balaariyay isla markaana si wanaagsan loo isticmaali karo.

Sidoo kale waxa ka hadlay dayactirka lagu sameeyay garoonka Ugaas Khaliif afhayeenka maamulka gobolka Hiiraan Maxamuud Nuur Cagajoof waxana uu u mahadceliyay ciidamada Jabuuti sida wanaagsan ee ay uga qeyb qaateen horumarinta gobolka Hiiraan.

Ballaarinta garoonkan ayaa suurtogelin kara in ay si wanaagsan u isticmaalaan dayuuradaha ciidamada Jabuutio iyo dayuuradaha kale ee rakaabka qaada. Hay’ada ICRC ayaa hirgelisey barnaamijka lagu ballaarinayay isla markaana lagu dayactirayay garoonka dayuuradaha ee magaalada Beledweyne.

Magaalada Beledweyne ayaa ka mid ah degmooyinka ay gacnta ku hayaan ciidamada dowlada iyo kuwa AMISOM waxana magaalada Beledweyne la wareegay maamulkeeda dhamaadkii sanadkii 2011kii ciidamo taabacsan dowlada Soomaaliya iyo ciidamo Ethiopian ah.

Read also
Advertisement

Comments are closed.